Törkiyäneñ täwge oça torğan maşinası sınaldı

CEZERİ şähär transportı tarmağın töptän üzgärter dip kötelä

1491816
Törkiyäneñ täwge oça torğan maşinası sınaldı

Törkiyäneñ “Baykar” şirkäte tarafınnan yasap çığarılğan täwge oçuçı maşinası CEZERİ berençe oçış sınawların uñışlı tögälläde. Ul 11nçe sentyabr’ comğa könne başlanğan ide.  

Törek injenerları uylap çığarğan häm yasağan maşina 230 kilolıq alprototip oçış sınawlarında 10 metrğa kütärelde.

“Baykar” şirkäte texnik mödire Sälçuk Bayraktar bolay dide: “Aldağı çorda tağın da alğa kitkän prototiplar yasayaçaqbız. Keşe belän oçışlar ütkäräçäkbez”.

CEZERİ oçuçı maşinanıñ kiläçäktä şähär transportı tarmağına nigezdän üzgäreş kertüe kötelä. Ul yulçılarnı ğına tügel, yök taşuda da qullanıla ala.

CEZERİ êlektr belän êşli häm öç rezervlı aqıllı oçış sistemasına iyä. Monnan tış, ul yasalma zihen sisteması belän dä cihazlandırılaçaq. CEZERİ maşinasınıñ tizlegen säğatenä 100 çaqrımğa, oçu biyeklegen 2 meñ metrğa citkerergä uylıylar.   



Bäyläneşle xäbärlär