Törkiyä Urta diñgezdän çigenmi

Tışqı êşlär ministrı “Oruç Räis” korabınıñ Antaliyä portına qaytu säbäben belderde

1490329
Törkiyä Urta diñgezdän çigenmi

Tışqı êşlär ministrı Mäwlet Çavuşoğlu Törkiyäneñ Könçığış Urta diñgezdä kiregä çigenmäwen, “Oruç Räis” korabınıñ Antaliyä portına qaytu säbäbeneñ isä ğadäti qarap-tözätü häm täêminat êşçänlege buluın belderde. Ul ber telekanalda turıdan-turı êfirda sorawlarğa cawap birde.

Ministr äytüençä, “Barbaros” häm “Yavuz” korabları Urta diñgezdäge êşçänleklären däwam itä. Alar, bilgele bulğança, seysmik tikşerenülär alap bara.

Çavuşoğlu beldergänçä, Greśiyä maksimalist poziśiyäsennän baş tartmasa, kileşü mömkin tügel. “İke kürşe däwlät (Törkiyä belän Greśyä) turıdan-turı söyläşä ala. Ämma Greśiyä alşartlar quysa, bez dä quyarbız,”-dide ul.

Ministr Awrupa Berlegeneñ Törkiyägä sankśiyä taläpläre turında da fikeren äytte. Ul monı Franśiyä, Greśiyä häm Kiprnıñ grek öleşe teläwen, ämma tormışqa aşuın kötmäwlären belderde.

Çavuşoğlu äytüençä, Franśiyä ilbaşı Êmmanuêl’ Makron namuslı säyäsätçe tügel häm tulısınça kontrol’dän çıqtı.   

“Franśiyä här cirgä höcüm itä, min lider dimäkçe bula, ämma lider diyep kenä lider bulmıylar,”-dide ministr.

Ul başqa däwlätlärneñ dä Törkiyäneñ xaqlı buluın tanuın citkerde. Çavuşoğlu bolay dide: ”Bez söyläşkän barlıq däwlätlär ğamällärebezne belä. Xaqlı buluıbızğa qaramastan, Greśiyägä östenlek biräçäklär. Monı Awrupa Berlege teläktäşlege dilär”.



Bäyläneşle xäbärlär