Törkiyä: “Ğaräp Ligası qabul itkän qararlarnı kire qağabız”

Tışqı êşlär ministrlığınıñ yazma belderüendä Ğaräp Ligasınıñ qayber äğ’zaläreneñ üz cimerüçe kön tärtiben häm êşçänlegen yäşertü maqsatınnan çığıp Törkiyägä qarata alıp barğan nigezsez gäyepläwlären Ğaräp Ligasınıñ 9nçı sentyabr’dä uzdırğan Ministrlar Şurası cıyılışına da alıp kiterüe äytelde.

"Telgä alınğan şuşı cıyılışta ilebezgä qağılışlı bularaq qabul itelgän qararlarnı tulısınça kire qağabız”, - dip äytelgän belderüdä: "Bu qararlarnıñ nigezdä citdi itep qabul iteläçäk ber yağı da yuq. Çönki ilebezneñ ğaräp illäreneñ cir bötenlegenä häm säyäsi berlekläre belän töbäkneñ totrıqlılığına bik zur ähämiyät birüe häm bu qararlarnıñ qabul itelüeneñ artında torğan citäkçeleklärneñ kiresenä bolarnı saqlap qalu öçen tırışlıq kürsätüe härkemgä mäğ’lüm”, - dip äytelde.

Belderüdä ayıruça: “Süriyäne bülgälärgä tırışqan häm Ğıyraqnıñ möstäqıyllegenä yanağan terrorçılarnı yaqlawçı, Yämänneñ tar-mar itelüenä säbäp bulğan, Liviyada tüntäreleşçelärneñ yanında torğan, Sudanda totrıqlılıqnıñ qabat urnaştırıluın üz mänfäğätläre öçen risk astına quyğan, keşelek faciğalärenä säbäp bulğan rejimnarğa, suğışçı liderlarına, separatist törkemnärgä häm terror oyışmalarına yärdäm itüe mäğ’lüm citäkçeleklärneñ böten qarşı tırışularına qaramastan Törkiyä töbäktä totrıqlılıqnıñ häm xozurnıñ urnaştırıluı öçen konstruktiv totışın qatğıylıq belän däwam itäçäk”, - dip äytelde.

Bu citäkçeleklärneñ Fälästin däğwasın yuq dip isäpläwläre, Fälästindä ike däwlätle çişeleş tırışuları belän urtaq ğaräp totışın sabotaj itüçe kereşülär xaqında Ğaräp Ligasınıñ qarar qabul itüen totqarlawı ğaräp xalıqları tarafınnan ğıybrät belän küzätelüe assızıqlanğan belderüdä: “Ğaräp Ligasın tağın ber qat ilebezgä qarşı doşmança totışta bulğan qayber äğ’zaläreneñ ciräkçelegendä xäräkät itü urınına töbäktä iminlekneñ häm totrıqlılıqnıñ täêmin itelüenä qağılışlı uñay rol’ne üz östenä alırğa çaqırabız”, - dip äytelde.