Ärdoğan belän Abe söyläşte

Törkiyä ilbaşı Räcäp Tayyip Ärdoğan Yaponiyä xökümäte räise Şinzo Abe belän telefonnan söyläśte. Bilgele bulğança, küptän tügel Abe, sälamätlegeneñ naçar buluı säbäple, wazıyfasınnan kitüen beldergän ide.

Ärdoğan äñgämä barışında aña xastalığınıñ uzğınçı buluın häm şifa tabılıp tizräk terelüen teläde. Ul Abeğa Törkiyä belän Yaponiyä arasındağı mönäsäbätlärne üsterügä kertkän ähämiyätle öleşe öçen räxmäten citkerde. Ärdoğan ike däwlät arasındağı êlemtälärneñ monnan soñ da nığayıp alğa baraçağına ışanuın da äytep uzdı. Söyläşüdä monıñ öçen yasalaçaq adımnar xaqında da fiker alıştılar.