Abramoviçnıñ yaxtası Törkiyädä

Bodrumda yal itüçelärne şaqqattırğan yaxta portqa sıymadı

1487514
Abramoviçnıñ yaxtası Törkiyädä

Roman Abramoviçnıñ yaxtası turizm märkäze Bodrumda.  Dön’yada tanılğan tus milliarderı häm Angliyä futbol klubı “Çelsi”nıñ xucasınıñ ul’tra zinnätle yaxtası “Êklips” Törkiyä yarlarına kilep tuqtadı. Ul rayondağı portlarğa sıymadı. Şuna kürä 164 metr ozınlığında häm 22 metr kiñlegendäge 6 qatlı mega-yaxta Yalıkavak mäxälläse sulıqlarında yakor’ saldı. Anıñ yanında qurqınıçsızlıq saqlawçı zur tizlekle katerlar äylänep yöri. Qayberläre yaqındağı portqa barıp qayta.

Lüks yaxta cirlektä yal itüçe turistlarnıñ iğ’tibarın cälep itte. Anda Abramoviçnıñ bulmawı açıqlandı. Ämma milliarder tizdän diñgez turına çığu öçen Bodrumğa kiläse ikän.  

Yaqınça 340 million yevro bäyäsendäge yaxtada boralaq mäydançığı, basseyn, zinnätle yoqı bülmäläre, keçkenä diñgez astı köymäse, sport salonı häm başqa lyuks tormış kürsätkeçläre bar.



Bäyläneşle xäbärlär