Төркиядән Кoсoвaгa Кудүс рeaкциясe / Törkiyädän Kosovağa Qudüs reakśiyase

Tışqı êşlär ministrlığınnan yasalğan belderüdä: “Xalıqara xoquqnıñ açıq bozıluın täşkil itäçäk mondıy adımnıñ Kosova räsmiläre tarafınnan uylanıluı da xätta küñelsezländerä”, - dip äytelde.

Kosovanı berençe bulıp tanığan illär arasında bulğan Törkiyäneñ bu ilneñ xalıqara mäydanda tanıluına qağılışlı tırışularğa da baştan birle zur yaqlaw kürsätüe xäterlätelgän belderüdä: "Fäqät bu barışnıñ xalıqara xoquqqa qarşı häm bigräk tä cirläre yawlap alınğan Fälästin xalqının qayğı-mixnätläre östendä salınuın döres dip tapmıybız”, - diyelde.

Kosovağa çaqıru yasalğan belderüdä Fälästin mäs’äläseneñ barı tik 1967nçe yılğı çikläre nigezendä başqalası Könçığış Qudüs bulğan bäysez, möstäqil häm geografik däwamlılıq êçendä Fälästin däwläteneñ tormışqa aşırıluı belän çişelä alınaçağına Berläşkän Millätlär Oyışmasınıñ törle qararları belän küp tapqırlar basım yasaluı belderelde.

Belderüdä: "Kosova citäkçelegen telgä alınğan şuşı qararlarnı ütäp, Qudüs-Yerusalimneñ tarixi häm xoquqi statusına zarar kiteräçäk häm kiläçäktä Kosovanıñ başqa däwlätlär tarafınnan tanıluına da kirtä bula alaçaq mondıy adımnardan taypılırğa çaqırabız”, - dip äytelde.