Grek xärbiläre aktivlaşa
Törkiyägä 2 çaqrım ğına yıraqlıqta urnaşqan utrawda alarnıñ ığı-zığısın töşerep aldılar
Antaliyäneñ Kaş rayonınnan 2 çaqrım yıraqlıqtağı Meis utrawında patrul’lek itüçe grek xärbiläreneñ xäräkätlelege tağın ber tapqır kürelde.
Franśiyä xäbär agentlığı AFP 28nçe avgustta töşergän fotolarda grek xärbiläreneñ paromğa utırıp turistlar belän bergä Meis utrawına kilüen kürsätkän ide. Soñınnan cirlek Greśiyäneñ xärbi täêminat xäbärläre belän kön üzägendä buldı. Törekçä Qızılxisar dip ataluçı Meis utrawı Törkiyägä 2 çaqrım, Greśiyäneñ kontinental’ cirlärenä qadär 580 çaqrım yıraqlıqta.
Törkiyä radio häm televideniye kompaniyäse TRTnıñ xäbär törkemnäre utrawda bügen qabat grek ğaskäriläreneñ aktivlığın töşerep aldı. Utraw tiräsendä patrul’lek itüçe torpedo köymäse häm cirdä xärbi texnika xäräkät itüe kürende.
TRTnıñ ingliz telendäge kanalı TRT World törkeme dä çärşämbe könne Meis utrawında patrul’lek itüçe grek xärbilären töşergän ide.
Bäyläneşle xäbärlär
Terrorçılıqqa qarşı köräş
1 ğıynwardan bügengä qadär täêsirsez xälgä kiterelgän terrorçı sanı 748 buldı
