“Bu jurnalistlarnıñ ber çäç börtegenä zarar kilsä, cawap biräçäksez"

Greśiyäneñ Meis utrawına xäbär êşçänlege öçen kitkän Anadolu mäğ’lümat agentlığınıñ icat törkemenä yanadılar. Monı Törkiyäne yaratmawçı ıruğçı ber grek internet säxifäse êşli.

Anadolu agentlığınıñ Afina wäkillegennän Täwfıyq’ Durul häm fotoxäbärçe Ayxan Mäxmät kiçä Greśiyäneñ başqalasınnan oçqıç belän Rodos utrawına, annan köymä belän Meisqa bara. Alar utrawğa ayaq basıp berniçä säğat’ ütügä Greśiyäneñ töreklärgä näfrät belän qarawçı internet säxifäsendä provokativ yazma çığa. Ul şaqtıy qotırtuçı êçtälektä.    

Säxifädä Anadolu agentlığı wäkile Durulnıñ barı tik Greśiyä dairäläreneñ qulında bulırğa tiyeşle şäxsi dokumentlarınıñ fotosı basıluı iğ’tibarnı cälep itä. Anı xäbärçe Afinadan Meis utrawına säyäxäte waqıtında berkemgä dä kürsätmägän. İnternet säxifäsenä passport biteneñ kopiyäse niçek êlägüe turında Greśiyä dairälärennän añlatu kötelä.

Törkiyä ilbaşı êlemtäse idaräse başlığı Fäxretdin Altun sośial’ media aşa beldergänçä, Greśiyä yağı Meista êşen başqaruçı Anadolu agentlığı xezmätkärlärenä faşist internet säxifäse qulı belän yanıy. Ul süz irege bulmawı tänqıyt’länelgän Törkiyägä grek jurnalistlarınıñ telägänçä êşläwlären xäterlätte. “Şul uq waqıtta Awrupa Berlege äğ’zası bulğan ilneñ mafiya däwläte şikelle qılanuı uyğa qaldıra,”-di Altun.

Ul Greśiyä dairälärenä möräcäğat’ itep bolay dide: “Bu jurnalistlarnıñ ber çäç börtegenä zarar kilsä, cawap biräçäksez. İñ awır şartlarda wazıyfasın başqaruçı Anadolu agentlığına yanap, alarğa qarşı qotırtıp, şäxsi mäğ’lümatların kürsätep awızların qaplarğa berkemneñ dä xaqı yuq”.