“Awrupa Berlegeneň dialogqa çaqırğanda başqa plannarı da buluı ixlassızlıq”

İlbaşı urınbasarı Fuat Oktay Awrupa Berlegeneň Könçığış Urta diňgez mӓs’ӓlӓsendӓge totışın tӓnqit’lӓde

1481128
“Awrupa Berlegeneň dialogqa çaqırğanda başqa plannarı da buluı ixlassızlıq”

 

İlbaşı urınbasarı Fuat Oktay Törkiyӓneň üz xaqları hӓm mӓnfӓğӓt’lӓren saqlaw ,yaqlaw öçen kirӓk bulğannı êşlӓwdӓ ikelӓnep qalmayaçağın belderde.

Ul sośial media aşa yasağan belderüendӓ Awrupa Berlegeneň Könçığış Urta diňgez mӓs’ӓlӓsendӓge totışın tӓnqit’lӓde.

Oktay Könçığış Urta diňgezdӓ Törkiyӓneň üz kontinental’ kiştӓsendӓ ütkӓrgӓn çaralar xaqında Awrupa Berlegeneň ber yaqtan dialogqa çaqırğanda, ikençe yaqtan başqa plannarı buluın ixlassızlıq bularaq bӓyӓlӓde.

İlbaşı urınbasarı Fuat Oktay: “Bez tınıçlıq hӓm diplomatiya telen bik yaxşı belӓbez. Lӓkin Törkiyӓneň xoquqların hӓm mӓnfӓğӓt’lӓren yaqlaw öçen kirӓk bulğannı êşlӓwdӓ ikelӓnmibez. Monı iň yaxşı belüçelӓr isӓ Greśiya hӓm Franśiya”,- dide.



Bäyläneşle xäbärlär