“AQŞ belderüen kire qağabız”

Törkiyä İlbaşı Räcäp Tayyip Ärdoğannıñ “Hamas” räsmi zatların qabul itüe belän bäyle bularaq Amerika Quşma Ştatları däwlät departamentınıñ böten çiklärne uzğan belderüen kire qağuın citkerde

1479434
“AQŞ belderüen kire qağabız”

Tışqı êşlär ministrlığı süzçese Hami Aqsoy yasağan yazma belderüendä İlbaşı Räcäp Tayyip Ärdoğannıñ 22nçe avgustta İstanbulda “Hamas”nıñ säyäsi byuro başlığı İsmail Häniyyä häm yanındağı wäkillek belän ütkärgän söyläşügä qağılışlı bıularaq AQŞ däwlät departamentı süzçeseneñ "çiklärne uzğan" belderü yasawın assızıqlap: "Bu belderüne tulısınça kire qağabız”, - dip äytte.

Ğazzädä demokratik saylaw belän xakimiyätkä kilgän häm töbäkneñ möhim çınbarlığın wäkillek itüçe “Hamas”nıñ legal’ wäkileneñ terrorçı bularaq tanıtıluınıñ töbäktä tınıçlıqnıñ häm totrıqlılıqnıñ urnaştırıluına qağılışlı tırışularğa öleş kertä almayaçağına iğ’tibarnı yünältüçe Aksoy: "Citmäsä üz terror oyışmaları isemlegendä bulğan “PKK” separatist terror oyışmasına açıq räweştä yärdäm kürsätüçe, “Fätullahçı” terror oyışması (FETÖ) atamanın saqlawçı ber ilneñ öçençe illärgä bu mäs’älädä süz äytü xoquqı hiç yuq”, - dip belderde.

Aqsoy AQŞ citäkçelegeneñ fälästinlelär arasında êçke kileşü tırışularınıñ ber tarafı bulğan “Hamas”nı terror oyışması itep iğ’lan itüen, annan soñ Fälästin Azatlıq oyışmasınıñ Waşingtondağı ofisın yabuın häm bu räweşle AQŞ citäkçelegeneñ böten Fälästin citäkçelege häm xalqı belän êlemtäne özep, töbäktäge çınbarlıqlardan üzen izolyaśiäläwen assızıqladı.

Süzçe Aqsoy AQŞ citäkçelegenä: "Şuşı forsat belän AQŞ citäkçelegen töbäktäge köçen häm yoğıntısın barı tik İzrail mänfäğätlärenä xezmät itü maqsatı belän qullanu urınına  tigez säyäsät alıp barıp, İzrail-Fälästin tartqalaşuına xalıqara xoquq, ğadälät häm ğadellek nigezendä êçkersez çişeleş êzlänüen yasarğa çaqıram”, - dip belderde.



Bäyläneşle xäbärlär