“Qıytğa kiñlegebezdä yulbasarlıqqa hiç tä baş imäyäçäkbez”

Törkiyä İlbaşı Räcäp Tayyip Ärdoğan: "Qıytğa kiñlegebezdä yulbasarlıqqa hiç tä baş imäyäçäkbez, sankśiya häm yanaw süzläre aldında kire adım yasamayaqbız”, - dip äytte

1473728
“Qıytğa kiñlegebezdä yulbasarlıqqa hiç tä baş imäyäçäkbez”

İlbaşı Ärdoğan Törkiyäneñ iradäse ipoteka astında bulğan il torışınnan süzläre häm säyäsäte yaqınnan küzätelep torğan il däräcäsenä citüen belderde.

İlbaşı Ärdoğan ike kön êlek Kanśler Angela Merkel belän, annan soñ Awrupa Berlege Şurası başlığı Çarl’ Mişel’ belän söyläşüen xäterlätep: "Bu söyläşülärdän soñ da şuşı yasalğan adımnar. Törkiyägä yasalğan bu höcümnär aldında bez bügengä çaqlı gel ciñeläytüçe, gel yomşatuçı buldıq. Läkin Greśiya bezneñ totışıbızğa ber ük räweşle cawap birmi. Şuña kürä dä şuşı totış räweşlären däwam itkän oçraqta bez zarur bulğannı yasarbız. Xalıqara diñgez xoquqı yağınnan bulmasın, urnaşqan konvenśiyälär cähätennän bulmasın, ilebez bu mäs’älädä axırğaça xaqlı. Bu xoquqın da qulındağı böten mömkinleklärne qullanıp, yaqlarğa däwam itäçäk. Yöz yıl êlek Törkiyäne neçkä ber säyäsät belän kön’yağındağı ênergiya çığanaqlarınıñ çitenä qalqıruçılar Könçığış Urta diñgezdä monı başqara almayaçaqlar. Qıytğa kiñlegebezdä yulbasarlıqqa hiçtä baş iymäyäçäkbez. Çikläw häm yanaw süzläre aldında kire adım yasamayaqçbız. Ber ğasır êlek watanıbıznı bülgäläwne maqsat itep alğan Sevr kileşüen niçek yırtıp ırğıtqan bulsaq, bügen dä “Zäñgär watan”nı şuşındıy uq täwäkkällek belän saqlayaçaqbız”, - dip äytte.

Ärdoğan: "”Oruç Räis” êşçänlegenä 23nçe avgustqa qadär däwam itäçäk. Bu barışta köymäbezgä qarşı iñ keçkenä tınıçsızlıq yasalğan oçraqta kiräkle cawapnı birüdän hiç tartınmayaçaqbız”, - dip basım yasadı.

İlbaşı Ärdoğan hiç kiyerenkelek artınnan yörmäwlären, berkemneñ xaq-xoquqına qul salmawların, millätneñ häm Kipr törekläreneñ xoquqın saqlawların belderde.



Bäyläneşle xäbärlär