Törkiyӓ Livannıň qayğısın urtaqlaşa

Törkiyӓ ilbaşı Rӓcӓp Tayyip Ӓrdoğan Livan ilbaşı Mişӓl Gaun belӓn telefonnan söylӓşte.

 Ul başqala Bӓyrutta şartlatqıç maddӓlӓr saqlağıçında barlıqqa kilgӓn şartlawda ğomere özelgӓnnӓgӓ Allahtan yarlıqaw , yaralanğan keşelӓrgӓ şifalar telӓde. Ӓrdoğan humanitar yӓrdӓmgӓ ӓzer buluların da citkerde.

Törkiyӓ Böyek Millӓt Mӓclese başlığı Mostafa Şӓntop şartlaw uňayınnan Livan xalqınıň qayğısın urtaqlaştı.

 Ul twitter akkauntında “Bӓyruttağı şartlawda ,qızğanıç, küp sanda keşeneň ğomere özelde hӓm şaqtıy keşe yaralandı. Yaralanuçılar arasında 6 Törkiyӓ watandaşı da bar. Yaraları tiz tözӓlsen. Törkiyӓ Livan xalqına da yӓrdӓm qulı suzaçaq” dip yazdı.

İlbaşı urınbasarı Fuat Oktay şartlawğa qağılışlı yullamasında ”Livan xalqınıň qağyğısın urtaqlaşabız. Törkiyӓ yӓrdӓmgӓ ӓzer” dip belderde.

Törkiyӓ tışqı êşlӓr ministrı  Mӓvlüt Çavuşoğlu twitter akkauntında törek, ğarӓp hӓm ingliz tellӓrendӓ yazğan yullamasında tübӓndӓgelӓrne citkerde: “Bӓyrut portında barlıqqa kilgӓn şartlawda ğomere özelgӓnnӓrgӓ Allahtan yarlıqaw  telim, Livan xalqınıň qayğısın urtaqlaşam. Bezneň iň zur telӓgebez – yuğaltular artmasın. Livanlı qardӓşlӓrebezgӓ yӓrdӓmgӓ ӓzerbez”.