Uyınçıq kitapxanäse

Törkiyäneñ Kastamonu şähärendä balalar öçen uyınçıq kitapxanäsenä nigez salındı. Sabıylar annan telägän uyınçıqnı alıp uynağannan soñ kire kiterep birä.

Kastamonu mêrı Räxmi Galip Vidinlioğlu beldergänçä, uyınçıq kitapxanäse 1298 kvadrat metr yabulı, 1342 kvadrat metr açıq mäydanğa iyä bulaçaq.

Balalar baqçası öleşendä 5 sıynıf, uyın zalı, 5 yoqı bülmäse, aşxanä häm başqa büleklär bulaçaq. Anıñ 100 bala sıydırışlı buluı planlaştırıla.

Uyınçıq kitapxanäse öleşendä isä uyınçıq täq’dim itü, alarnı tözätü, saqlaw häm uynaw urınnarı bulaçaq.

“Uyınçıq kitapxanäsendä balalarıbız bergä uynarğa häm büleşergä öyränäçäk. Kitapxanäneñ iq’tisadqa citdi kerteme bulır. Härkem uynamağan uyınçığın monda kiterep birä ala. Şulay itep anı uyınçıq satıp alu mömkinlege bulmağan ğailälär faydalana alaçaq,”-dip söyli mêr.