"Böyek häm köçle Törkiyä tözibez"

Ärdoğan Kabinet cıyılışınnan soñ matbuğat oçraşuı oyıştırdı.

1462816
"Böyek häm köçle Törkiyä tözibez"

Törkiyä ilbaşı Räcäp Tayyip Ärdoğan: “Azanıbız, bayrağıbız, watanıbızğa berkemneñ dä qul suzuına röxsät birmäyäkbez,” – dide.

Ärdoğan İlbaşı idaräseneñ Kabinet cıyılışınnan soñ matbuğat oçraşuı oyıştırdı.

 “Bez berkemneñ dä xaqına, cirenä, baylığına küz salmadıq. Berdänber telägebez – üz xaqıbız, xoquqıbız, mänfäğatlärebezne saqlaw. Söyläşü häm ğadel kileşülär yärdämendä çişelä alınaçaq mäs’älälärdä ilebezne çitläşterergä tırışuçılarğa bu cawap qaytarılaçaq. Däwlätlär häm cämğıyät’lär arasındağı köräşneñ üzgärüen belep torabız. Säyäsi, iqtisadi, xärbi bulğan härtörle köndäşlek üzgärgän teldä bez dä üzebezne yañartabız. Östäl artında häm mäydanda kiräkle köräşne quyabız,” – dide ul.

Ärdoğan Ayasofiyaneñ qabat qıybadätkä açıluınıñ Törkiyäneñ möstäqıyl’lek xaqların qullanu mäs’äläsendäge täwäkkällelegeneñ soñğı ürnäklärennän buluın belderep bu urınnıñ niçek itep cämiğtan muzeyğa äylänüen bäxäsläşüneñ ähämiyäte bulmawın äytte.

“Ayasofiyaneñ çirattan muzey urınına qorılış maqsatına yaraşlı ğıybadätxanä bularaq qullanıluınıñ här dinnän keşene söyenderüenä ışanabız. Bügen qabat ant itäbez, azanıbız, bayrağıbız, watanıbızğa berkemneñ dä qul suzuına röxsät birmäyäçäkbez. Törkiyä bügen qabat canlanu öçen köräşä. Böyek häm köçle Törkiyä tözibez bez,” – dide ilbaşı.



Bäyläneşle xäbärlär