Törek tabibı tözettergän mäktäp açıldı
Ul mäktäptä belem alıp çıqqan uquçılarnıñ Törkiyädä stipendiyäle uquı öçen yärdäm kürsätäçägen citkerde
Xäyriyäçe törek tabibı Metin Külünkneñ Äfğanstanda tözettergän mäktäbe açıldı. Ul Cüzcan töbägendä urnaşqan. Mäktäp 1500 uquçı öçen isäplänelä. Aña tabibnıñ ätise Abdurraxman Külünk iseme birelde.
Uqu yortınıñ açılış tantanasında Cüzcan gubernatorı urınbasarı Abdulkadir Maliyä çığış yasadı häm Äfğanstannıñ üseşe öçen belemneñ ähämiyätle buluın, şul säbäple balalarnı mäktäpkä yörü öçen qızıqsındıru kiräklegen assızıqladı.
Ul Äfğanstanda mäğarifkä mondıy kertem yasawı öçen tabib Külünkkä räxmäten citkerde. Maliyä fikerençä, mäktäp cirlek xalqınıñ ixtiyacın qanäğat’länderä.
Kuyaş yärdämläşü häm üseş cämğıytäte räise Nur Möxämmät Karizade üz çığışında Külünkneñ mäktäptä belem alıp çıqqan uquçılarnıñ Törkiyädä stipendiyäle uquı öçen yärdäm kürsätäçägen citkerde.
Törek tabibı uqu yortında zamança laboratoriyä häm sanaq sıynıfı açılaçağın xäterlätte.
Abdurraxman Külünk liśeyın tözü 150 meñ dollarğa töşkän.
