“PKK” terror oyışmasına 2 yılda 234 meňnӓn kübrӓk operaśiya oyıştırıldı”
Ӓrdoğan ilbaşı idarӓse xökümӓt kabinetınıň 2 yıllıq bӓyӓlӓw cıyılışında yasağan çığışında terrorğa qarşı köräşkä dä tuqtaldı
Törkiyӓ ilbaşı Rӓcӓp Tayyip Ӓrdoğan ilbaşı idarӓse xökümӓt kabinetınıň 2 yıllıq bӓyӓlӓw cıyılışında yasağan çığışında Törkiyӓneň soňğı 2 yılda “PKK” separatist terror oyışmasına 234 meňnӓn kübrӓk operaśiya başqaruın belderde.
Ul terrorğa qarşı körӓşneň aktiv rӓweştӓ dӓwam itüen belderep tübӓndӓgelӓrne citkerde: “Soňğı 2 yıldağı terror operaśiyӓlӓrendӓ tuplam 2 meň 354 terrorçı tӓêsirsez xӓlgӓ kiterelde. “Fӓtullahçı terror oyışması” (FETÖ) belӓn köraş qısasında 17 meň operaśiya başqarıldı”,-dide.
Ӓrdoğan:”İlebezdӓ, çik ar’yağında, Ğıyraqnıň tön’yağında , Süriyӓneň tön’yağında , “Solıx çişmӓse” xӓrӓkӓtendӓ, Ӓrmӓnstannıň Azӓrbaycanğa qarşı höcümnӓrendӓ berqayçan da cӓberlӓngӓn, zolımğa duçar bulğan , qıyın xӓldӓge mazlumnarnı yalğız qaldırmadıq hӓm qaldırmayaçaqbız”,-dide.
İlbaşı Kovid -19 belӓn körӓştӓ Törkiyӓneň şaqtıy ilgӓ yӓrdӓm qulı suzuın xӓterlӓtep, 136 il hӓm 4 xalıqara oyışmanıň mediśina kirӓk - yaraqları ixtıyacın qanӓğӓt’lӓnderülӓren belderde.
İlbaşı saqlanu tarmağındağı uňışlarnıň dӓwam itüen assızıqlap, Türksat - 5A iyӓrçeneneň bıyılnıň 4 nçe çiregendӓ, cirle êlemtӓ iyӓrçene 6A nı 2022 nçe yılda, Türksat 5B iyӓrçeneneň 2021 nçe yılnıň ikençe kvartalında ğalӓmgӓ cibӓrelӓçӓgen citkerde.
