“Kipr Tınıçlıq xäräkäte Kipr törek xalqı öçen yaña däwerneñ başlanğıçı buldı”

 Tön’yaq Kipr Törek Cömhüriyäte prem’yer - ministrı Êrsin Tatar 1974 nçe yılnıñ 20 nçe iyülendä Törek Qorallı Köçläre oyıştırğan Kipr Tınıçlıq xäräkäteneñ Kipr törek xalqı öçen yaña däwerneñ başlanğıçı buluın belderde.

Ul bu xaqta “Anadolu” agentlığına birgän interv’yusında citkerde.

Tatar 1974nçe yılğa qadär Kipr törekläreneñ utraw êçendä taralıp yäşäwen häm kiläçägen kürä almawların belderep, ul çorda kiprlı töreklärneñ genośid häm aña oxşaş ğamällär belän utrawdağı barlığın yuqqa çığaru turında süz baruın citkerde.

Êrsin Tatar: “Könçığış Urta diñgezdä , strategik urında däwlät tözü häm bu êtapqa ireşü  ciñel êş tügel. Äle yarıy 1974 nçe yılda bu xäräkät bulğan. Şul waqıttan birle Kipr törek xalqı üz däwlätendä yäşäwen däwam itterä”,-dide.

Kipr problemasın çişü öçen ozaq yıllar söyläşülär alıp barıluın xäterlätkän Tatar bolay dide:” Kiprdağı kileşü monnan soñ nindi genä formada bulmasın, Törkiyä garantlıq xoquqların däwam itterergä tiyeş”.

Tön’yaq Kipr Törek Cömhüriyäte prem’yer - ministrı Êrsin Tatar kiprlı töreklärneñ daimi çişeleş öçen härwaqıt fidaqär’lek kürsätüen, yaxşı niyätle buluların, ämma qarşı yaqtan mondıy niyät häm teläkne berqayçan da kürmäwlären assızıqladı.  

Êrsin Tatar beldergänçä, kileşü bulsa ul suveren tigezlekkä nigezlängän kileşü bulırğa mömkin.