"Kipr grek yağı Kipr törekläreneñ säyäsi tigezlegen ozaqqa suzmıyça birergä tiyeş”

Törkiyä ilbaşı bu xaqta Kipr tınıçlıq xäräkäteneñ 46 yıllığı uñayınnan yasağan yullamasında citkerde

1458255
"Kipr grek yağı Kipr törekläreneñ säyäsi tigezlegen ozaqqa suzmıyça birergä tiyeş”

 

Törkiyä ilbaşı Räcäp Tayyip Ärdoğan Kipr tınıçlıq xäräkäteneñ 46 yıllığı uñayınnan yullama yasadı.

 Ul üz yullamasında tübändägelärne citkerde: “Tınıçlıq xäräkäte  - tarixtan yuqqa çığarılırğa mataşılğan ber xalıqnıñ yañadan tuuı ul. Bu xäräkät Kipr törekläreneñ töp xoquqları ayaqlar astına salıp taptalğanda, iregenä qurqınıç yanağanda närsälär başqarıla aluın böten dönyağa kürsätte. 50 yılğa yaqın tigezlek öçen köräşkän Kipr törekläreneñ sabırlığınıñ dönyada başqa ürnäge yuq. Kipr törekläre törle basım häm yanawlarğa qaramastan xaq-xoquq häm irege öçen köräşte. Törkiyä 46 yıl êlek bulğanı kebek bügenge köndä dä Kipr törekläreneñ qatğıy köräşendä alarnıñ yanında. Kipr törekläreneñ tigez statusın qabul itü belän genä utrawda ğadel häm daimi çişeleşkä ireşü mömkin.Kipr grek yağı Kipr törekläreneñ säyäsi tigezlegen häm utrawnıñ tabiği çığanaqlarındağı tigez xoquqlarnı ozaqqa suzmıyça birergä tiyeş. Törkiyä häm Kipr törek yağı härwaqıt tınıçlıq häm kileşü yaqlı buldı, çişeleş tabu öçen iradä kürsätte , fäqät’ bu Kipr törek xalqı üz xoquqların qorban itäçäk digän süz tügel. Törkiyä Kipr törek xalqınıñ xaq häm xoquqların saqlaw öçen tırışlıqların däwam itteräçäk. Azatlıq köräşendä cannarın birgän ğaziz şähitlärebezne , ğazıylarıbıznı xörmät belän iskä alam. Tön’yaq Kipr Törek Cömhüriyätendäge qardäşlärebezgä isänlek, tınıçlıq , bäxet telim. 20 nçe iyül’ – azatlıq häm tınıçlıq bäyrämegez qotlı bulsın”.



Bäyläneşle xäbärlär