Törkiyӓneň Ayasofiya qararına dönya yaqlaw kürsӓtӓ

Fӓlӓstindӓge Xamas xӓrӓkӓte:Ayasofiyanıň ğıybadӓt öçen açıluı – barlıq möselmannar öçen ğorurlanırlıq adım

1453136
Törkiyӓneň Ayasofiya qararına dönya yaqlaw kürsӓtӓ

 

Fӓlӓstindӓge Xamas xӓrӓkӓte Törkiyäneñ Ayasofiyanı ğıybadӓt öçen açu qararın maqtadı. 

Xamasnıň çit illӓr matbuğat ofisı başlığı Rafӓt Murra “Ayasofiyanıň ğıybadӓt öçen açıluı – barlıq möselmannar öçen ğorurlanırlıq adım” dip belderde. 

Ul bu adımnıň Törkiyӓ xakimiyӓteneň üz -üzenӓ ışanıçın kürsӓtüen assızıqladı. 

Malayziya möselman yӓş’lӓr xӓrӓkӓte ğomum başlığı Möxӓmmӓd Faysal Abdul Aziz mondıy qarar qabul itü uňayınnan Törkiyӓne tӓbrik itte. 

Ul: “Fatix Soltan Mӓxmӓt Ayasofiyanı şӓxsi milek itep aldı hӓm anı bağışladı. Ayasofiya bügen töp wazıyfasına kire qayttı. “dide. 

Malayziya İslam oyışmasınıň kiňӓşmӓ şurası ğomum başlığı Mohd Azmi Abdul Hamid isӓ Törkiyӓ xakimiyӓteneň ӓlege qararınıň legal’ hӓm xoquqqa nigezlӓngӓn buluın belderep ,”Törkiyӓneň Ayasofiyanı qabat mӓçetkӓ ӓwerelderü xoquqın ber genӓ il dӓ tikşerep tormasqa tiyeş” dide. 

 Katardağı “Al Jazeera” televideniyeseneň êlekke ğomum mödire Vaddah Hanfer Ayasofiya qararın tarix belӓn yaňadan aralaşu mizgele bularaq bӓyӓlӓde. 

Süriyäle jurnalist Siba Medvar bu tarixi qarar uñayınnan Törkiyäne täbrik itte.

Aljir jurnalistı Abdulkadir Bin Halid “Ayasofiyada yañadan azan äyteläçäk. Möselmannar namaz uqu öçen biregä cıyılaçaq”dide.



Bäyläneşle xäbärlär