“Genośidnı berqayçan da onıtmağız, onıtılğan genośid qabatlana”

Törkiyä ilbaşı Srebreniśa genośidınıñ 25 yıllığı uñayınnan oyıştırılğan iskä alu programmasına cibärgän videoyullamasında Bosniya –Gerśegovinanıñ berençe ilbaşınıñ älege süzlären dä iskä töşerde

1453264
“Genośidnı berqayçan da onıtmağız, onıtılğan genośid qabatlana”

 

Törkiyä ilbaşı Racäp Tayyip Ärdoğan Srebreniśa genośidınıñ 25 yıllığı uñayınnan oyıştırılğan iskä alu programmasına videoyullama belän qatnaştı.

Ul älege faciğadan  çirek ğasır uzğan bulsa da yaralarnıñ tözälmäwen, här yaña kümäk qaberneñ tabıluı belän yöräklärneñ tağın ber tapqır sıqrawın citkerde.

Ärdoğan bäysez Bosniya –Gerśegovinanıñ berençe ilbaşı märxüm Aliya İzzätbegoviçnıñ “Genośidnı berqayçan da onıtmağız, onıtılğan genośid qabatlana” digän süzlären iskä töşerep bolay dide: “Şähitlärebezne dä onıtmayaçaqbız, Srebreniśa genośidın da . Xoquq häm ğadellek êzläwdä sezne yalğız qaldırmayaçaqbız”.

Törkiyä ilbaşı şul xätle dramalar, üterülär häm küz yäş’lärenä  qaramastan Awrupa säyäsätçeläreneñ Srebreniśa genośidınnan sabaq almawların belderde, İslam häm çit il keşesenä qarata doşmanlıqnı yaqlawçı süzlär qullanunıñ kiläçäk öçen zur borçu tudıruın assızıqladı.

 Ärdoğan:”Mondıy qayğı-xäsrätlärne qabat kiçermäs öçen xalıqara oyışmalar belän bergä bezneñ dä möhim cawaplılıqlarıbız bar. Törkiya häm törek milläte Bosniya Gerśegovinanıñ härwaqıt yanında”,-dide.



Bäyläneşle xäbärlär