Çavuşoğlu Boris Djonsonnıñ xälen beleşergä kerde

Törkiyä tışqı êşlär ministrı Mäwlet Çavuşoğlu Angliyägä räsmi säyäxäte waqıtında koronavirustan däwalanğan xökümät räise Boris Djonsonnıñ xälen belergä kerep çıqtı. Oçraşudan soñ ul jurnalistlarğa bolay dip belderde: “Djonsonnı ğayät’ yaxşı xäldä kürdem, sälamätlängän. Aña ilbaşıbıznıñ sälamen citkerdem. Şulay uq, ilbaşıbıznıñ anı Törkiyägä çaqıruın xäterlättem häm balası tuu belän qotladım”.

Çavuşoğlu, Angliyägä säyäxäte qısalarında, başta Böyekbritaniyä parlamentınıñ Törkiyä törkeme räise Djeffri Donaldson, annarı wazıyfadaşı Dominik Raab belän oçraşuın belderde. Ul älege söyläşülärdä süzneñ Kovid-19 belän köräş, sälamätlek tarmağında xezmättäşlek, irekle säwdä kileşüe, iq’tisadi mönäsäbätlär, Brerksittan soñ bağ’lanışlarnı qaysı mäydannarda üsterä alu turında baruın äytte. Turizm, sälamätlek turizmı, saqlanu sänäğatendä xezmättäşlek mäs’äläläre dä qaralğan.

“Şul uq waqıtta Liviya, Süriyä, başqa regional’ temalar, NATO mäs’äläsen dä çittä qaldırmadıq,”-dide Çavuşoğlu. Ul säyäsi çişeleş häm Liviyäneñ bötenlege mäs’äläsendä Böyekbritaniyä belän Törkiyäneñ fikerläre berdäy buluın assızıqladı.