Törkiyädä mobilizaśiyä başlandı

Törkiyäneñ Ğadälät häm Üseş partiyäseneñ sośial’ media akkauntlarındağı videolı yazmalar belän “küñel mobilizaśiyäse” başlandı.

#GönülSeferberliği (küñel mobilizaśiyäse) êtiketı belän çıqqan yazmalarda “Çın küñeldän 83 millionnıñ işegen şaqırğa, qayğıların urtaqlaşırğa, problemaların çişärgä, millätebezneñ ömete bulırğa, ömete bulğannarnıñ tayanıçı bulırğa telibez” diyelä.

Videonıñ soñğı öleşendä ilbaşı Räcäp Tayyip Ärdoğannıñ: “Onıtmağız, säyäsätkä kerüebez öçen säbäpçe bulğan berdänber närsä – millätebezgä xezmät itü. Xäzer ük küñel mobilizaśiyäsen başlıybız,”-süzlärennän soñ, “Bergäläp tağın da böyek Törkiyä öçen küñel mobilizaśiyäse başlana” çaqıruı urın ala.