Törkiyä Sancak töbägenä yärdäm cibäräçäk

Cirlek mediśina xezmätkärlärenä ixtıyac buluın beldergän ide

1446175
Törkiyä Sancak töbägenä yärdäm cibäräçäk

Törkiyä koronavirus säbäple citdi awırlıqlar kiçerüçe häm mömkinlekläre bik çikle bulğan Sancak töbägenä yärdäm cibäräçäk. Älege cirlek Serbiyägä kerä häm anda kübräk möselmannar yäşi.

Tışqı iq’tisadi mönäsäbätlär şurasınıñ Törkiyä-Serbiyä xezmättäşlege bülege citäkçese Bayram Akgül beldergänçä, ilbaşı Räcäp Tayyip Ärdoğan Sancak töbägennän kilgän yärdäm çaqıruına bitaraf qalmıy. Alar tizdän cibäreläçäk.

Bosniyälelär küpläp yäşi torğan Sancakka monnan alda Törkiyädän Kovid-19 belän köräş qısalarında ike yök maşinası mediśina kiräk-yaraqları cibärelgän ide.

Töbäkneñ iñ zur şähäre Novi Pazardan başlap böten cirlektä wäzğıyät’ naçarayğannan soñ Bosniyä milli kongressı räise Jasmina Kuriç Törkiyä ilbaşı Ärdoğanğa xat cibärep yärdäm soradı. Ul Novi Pazar däwlät xastaxanäsendä êşläwçe 60 mediśina xezmätkärenä koronavirus yoğuın belderde. Cirlektä tabiblar häm şäfqat’ tutaşlarına ixtıyac zur.



Bäyläneşle xäbärlär