“Maqsatıbız - Törkiyӓne dönyanıň iň zur 10 iq’tisadı arasına kertü hӓm bez moňa bik yaqın”

İlbaşı bu xaqta Karsta yasağan çığışında citkerde

1439869
“Maqsatıbız - Törkiyӓne dönyanıň iň zur 10 iq’tisadı arasına kertü hӓm bez moňa bik yaqın”

 

 İlbaşı Rӓcӓp Tayyip Ӓrdoğan Törkiyӓneň dönyadağı iň zur 10 iq’tisad arasına kerü maqsatına bik yaqın buluın belderde.

Ul bu xaqta Kars böyӓsen açu tantanasında yasağan çığışında citkerde.

İlbaşı üz çığışında tübӓndӓgelӓrgӓ tuqtaldı:” Bez xakimiyӓtkӓ kilgӓndӓ ilebezdӓ tuplam 276 böyӓ bar ide. Bügen isӓ soňğı 18 yıldağı 585 nçe böyӓne qullanılışqa tapşırabız. Şӓhӓrlӓrebezne böyӓlӓr, gidroêlektrstanśiyӓlӓr, êçӓrgӓ yaraqlı su qorılmaları, suğaru kanalları belӓn cihazlandırıp xalqıbıznıň iminlek, mullıq dӓrӓcӓsen gel kütӓrdek. Törkiyӓneň demokratiya hӓm iq’tisad yulındağı alğarışınıň iň yaxşı nӓticӓlӓren Kovid -19 êpidemiyse waqıtında kürdek. Alğa kitkӓn illӓr dӓ çarasız qalğan êpidemiya dӓweren sӓlamӓtlek saqlaw sisteması asqorması , azıq-tölek hӓm gigiyena ӓyberlӓre belӓn tӓêmin itü çeltӓre , dӓwlӓt qurqınıçsızlığı cӓhӓtennӓn ürnӓk rӓweştӓ idarӓ ittek”.

Ӓrdoğan:”Bıyılnıň berece kvartalında mart ayınıň zur öleşen epidemiya belӓn körӓşep uzdırsaq ta 4,5% külӓmendӓ üseşkӓ ireştek. İkençe yartıyıllıqta iq’tisadta tağın da zurraq üseş kötӓbez. Maqsatıbız - Törkiyӓne dönyanıň iň zur 10 iq’tisadı arasına kertü hӓm bez moňa bik yaqın”,-dide.



Bäyläneşle xäbärlär