Çavuşoğlu - Zarif söyläşüe

Törkiyä tışqı êşlär ministrı Mäwlüt Çavuşoğlu Törkiyä belän İran arasındağı oçqıç säfärlären 1 avgusttan açunı planlawların äytte.

Çavuşoğlu İran tışqı êşlär ministrı Möxämmäd Cawat Zarif belän İstanbuldağı Dolmabahçe êş ofisında küreşte.

İke ministr söyläşüdän soñ matbuğat oçraşuı oyıştırdı.

Çavuşoğlu biredä yasağan çığışında Törkiyä belän İran arasındağı oçılarnı 1 avgusttan başlap açarğa planlawların belderde.

“Terrorçılıq barıbıznıñ da probleması. Amerika Quşma Ştatları tarafınnan İranğa qarata qullanıluçı ber yaqlı çikläwlärgä qarşı bez. Liviya mäs’äläsendä Rusiyä belän söyläşülärdä problema yuq. Utnı tuqtatunıñ daimi buluı öçen texnik söyläşü däwam itäçäk,” – dide ul.

Zarif isä tübändägelärne citkerde: “Koronavirus kizüendä İran xalqına kürsätkän teläktäşlek öçen Törkiyägä räxmätemne belderäm. Törkiyä AQŞnıñ êmbargosına qarşı bezneñ yanda buldı.  Liviya mäs’äläsendä İran häm Törkiyä ber fikerdä.”