Ärdoğan: “Cayğa salu belän citeşterü, säwdä häm turizm canlandı”

İlbaşı Räcäp Tayyip Ärdoğan yaña tör koronavirus (Kovid-19) barışındağı normalläşü (cayğa salu) belän bergä citeşterüneñ, säwdäneñ häm turizmnıñ canlanuın äytte

1435740
Ärdoğan: “Cayğa salu belän citeşterü, säwdä häm turizm canlandı”

İlbaşı Ärdoğan "12nçe Xalıqara İslam iq’tisadı häm finansı konferenśiyäsendä çığış yasadı.

Törkiyä bularaq bu kizü däweren iñ äz zıyan belän uzdırğan illär arasında bulularına basım yasawçı Ärdoğan: "Bu barışta iq’tisadi yaqtan alğa kitkän illärneñ üz watandaşların bitlek belän täêmin itüdä dä xätta awırlıq çigüen, minimal’ mediśina xezmäten birä almawın kürdek. Üz xalqıbıznıñ ixtıyacların qänäğätländerü belän ber rättän bez dönyanıñ 125 ilenä mediśina yärdämen kürsättek,” – dip äytte.

Êş belän täêmin itü ölkäsendä uñay tizlekkä ireşelüen assızıqlawçı İlbaşı Ärdoğan: "2020nçe yılnıñ berençe çirek üseş sannarı 4,5% belän Törkiyäneñ barı tik sälamätlek saqlaw ölkäsendä genä tügel, iq’tisadta da başqa illärdän uñay ayırılıp toruın kürsätte. Cayğa salu, normalläşü kalendar-planın tormışqa aşıruıbız belän bergä citeşterü, säwdä häm turizm yañadan canlana başlandı," – dip äytte.

"İslam iq’tisadı – krizistan çığunıñ açqıçı”, - dip basım yasawçı Ärdoğan: "Qıytğalarnıñ häm mädäniyätlärneñ kiseşü urınında urnaşqan İstanbulıbıznı İslami finans häm iq’tisadnıñ da märkäze buluın maqsat itäbez”, - dip äytte.



Bäyläneşle xäbärlär