10 Millät baqçası açıla

Tirä-yaq moxitnı saqlaw häm şähär tözeleşe ministrlığı tarafınnan tözelgän 10 millät baqçası 5 iyun’ könne Bötendön’ya tirä-yaq moxitnı saqlaw könendä Törkiyä ilbaşı Räcäp Tayyip Ärdoğan qatnaşaçaq tantanada açılaçaq.

5 iyun’dä Änkaradağı Atatörek Mädäniyät üzägeneñ Millät baqçasında oyıştırılaçaq tantana belän İstanbulda Pendik häm Halkalı, Sakarya, Samsun, Sivas, Diyarbakır, Trabzon, Batman, Bursa häm Elazığda tözelgän 10 millät baqçasınıñ kümäk açılışı yasalaçaq.

Tirä-yaq moxitnı saqlaw häm şähär tözeleşe ministrı Murat Kurum Twitterda urnaştırğan videoyazmada Törkiyä ilbaşı Räcäp Tayyip Ärdoğan liderlığında 81 vilayättä 81 million m2 millät baqçasın tözü maqsatın täwäkkällek belän çınğa aşıruların belderde.

İstanbulda açılaçaq 285000 m2 lık Pendik Millät baqçasında 11245 metr velosiped yulı, 5410 metr yörü yulı, 4784 ağaç belän 31066 quaqlıq häm üsemlek bar.

Halkalı millät baqçasınıñ zurlığı isä - 98000 m2. Biredä 1600 metr velosiped yulı, 3860 m yörü yulı, 4483 ağaç häm 103506 quaqlıq häm üsemlek bar.

Ayıruça 180 keşelek mäçet bulğan Halkalı millät baqçasında 232 m2 lık kül häm basseynda da urın ala.

Yaña baqçalar belän İstanbuldağı millät baqçası sanı 9ğa citäçäk.