Törkiyädä koronavirus: ülem häm yaña awıru oçraqları azaya

Törkiyäneñ yaña tör koronavirus (Kovid-19) belän köräşendä häm ülem sanınıñ häm dä yaña awıru oçraqlarınıñ azayuı däwam itä

1428972
Törkiyädä koronavirus: ülem häm yaña awıru oçraqları azaya

Soñğı 24 säğättä virus arqasında 24 keşeneñ ülüe belän Törkiyädä şuşı çirdän häläq’ buluçılarnıñ tuplam sanı 4 meñ 609 buldı.

Soñğı täwlektä 52 meñ 305 test yasalıp, 867 yaña diagnoz quyıldı.

Soñğı ber köndä xastaxanädän çıqqan 931 keşe belän xastalıqnı ciñüçelärneñ tuplam sanı isä 130 meñ 852gä citte.

Şul arada Sälamätlek saqlaw ministrı Fahrettin Koca 1nçe iyün’dä ğamälgä kergän “yaña normal”” sistema qağidäläreneñ ütälüeneñ “êlekkege normal’” tormışqa qaytu waqıtın bilgeläwçe bulaçağına basım yasadı.

Virus belän köräştä ireşelgän wazğıyät’ häm monnan soñ barılaçaq yul turında mäğ’lümat birüçe ministr Koca çaralar ütälgän oçraqta 2nçe dulqınnıñ kötelmäwen äytte.

Bitlek qullanunıñ, sośial’ distanśiyanı saqlawnıñ häm qul çistalığınıñ “Kovid-19” belän köräştä möhim buluına tağın ber qat basım yasawçı ministr Koca şuşı qağidälär ütälmägän oçraqta iñ başqa qaytunıñ qotılğısız bulaçağın kisätte.



Bäyläneşle xäbärlär