Meñnän artıq sulış apparatı êksportlandı

Törkiyä üze yasap çığarğan apparat belän dön'ya bazarın yawlarğa cıyına

1424380
Meñnän artıq sulış apparatı êksportlandı

Törkiyädä çığarıluçı sulış alu cihazın bik küp illär sorıy. Sänäğat’ häm texnologiyä ministrı Mostafa Varank beldergänçä, älegä qadär meñnän artıq apparatnı êksportlağannar. Ul videoêlemtä yulı belän ütkärelgän Kayseri sänäğat’ palatası cıyılışında qatnaştı. Ministr andağı çığışında Törkiyäneñ koronavirus belän uñışlı köräşüen äytep uzdı. Ul bik küp illär qızığa torğan sulış alu cihazınıñ rekord waqıt êçendä uylap çığarıluın belderde.

“Bügengä qadär meñnän artıq sulış alu cihazıbıznı êksportladıq. Törkiyä fänni häm texnologik tikşerenülär oyışması citäkçelegendä vakśina häm daru yasaw mäydanında äydäp baruçı êşçänleklärebez bar. Diagnostika komplektı häm sistemalarında ilebezneñ isemen dön’yağa işetteräçäk innovaśion proyektlar däwam itä,”-dip söyläde Mostafa Varank.



Bäyläneşle xäbärlär