"Qayber illӓr Süriyӓneň cir bötenlege hӓm sӓyӓsi berdӓmlek fikerenӓ qarşı"

Törkiyӓ ilbaşı idarӓse süzçese İbrahim Qalın “France 24” kanalında kön tӓrtibendӓge mӓs’ӓlӓlӓrgӓ bӓyӓ birde.

Ul ”PKK/YPG/PYD” separatist terror oyışmasın yaqlawçı illӓrneň Süriyӓneň cir bötenlege hӓm sӓyӓsi berdӓmlek fikerenӓ qarşı buluların belderde.

Törkiyӓneň Süriyӓ mӓs’ӓlӓsendӓ barı tik Franśiya hӓm Amerika Quşma Ştatları belӓn aňlaşılmawçılıqları buluın belderep:”Çönki ikese dӓ “PKK” terror oyışmasınıň Süriyӓdӓge törkeme “PYD/YPG”gӓ yaqlaw kürsӓtӓ. “PKK” Franśiyada ,Awrupa Berlegendӓ terror oyışması bularaq tanıla”,-dide.

İbrahim Qalın qayber illӓrneň Süriyӓdӓ terror koridorı buldıru öçen mataşuların, monıň Süriyӓneň territorial’ bötenlege hӓm sӓyӓsi berdӓmlek ideyӓsenӓ qarşı buluın citkerde.

Süzçe Süriyӓdӓ ğarӓp, körd, törekmӓn , ğalӓvi hӓm xristian barlıq qatlawlarnıň Bӓşar Ӓsӓd rejimına qarşı söylӓşü östӓle artında buluları kirӓklegenӓ basım yasap,”Bilgele ber etnik yӓki ideologik törkemne saylıy almıysız hӓm alarğa östenleklӓr birӓ almıysız”dide.

Törkiyӓ - AQŞ arasındağı mönӓsӓbӓtlӓrgӓ dӓ tuqtalğan Qalın Törkiyӓ ilbaşı Rӓcӓp Tayyip Ӓrdoğan belӓn Amerika Quşma Ştatları ilbaşı Donal’d Tramp arasında mönӓsӓbӓtlӓrneň yaxşı buluın citkerde.

Qalın Törkiyӓ belӓn AQŞ arasında urtaq fikergӓ kilengӓn mӓs’ӓlӓlӓr belӓn bergӓ qayçaq kileşmӓwçӓnleklӓr dӓ küzӓtelüen belderep, soňğı tapqır Törkiyӓneň Rusiyӓdӓn satıp alğan S- 400 hawa saqlanu sistemalarına qağılışlı AQŞ belӓn konflikt barlıqqa kilüen xӓterlӓtte.

İlbaşı idarӓse süzçese S-400 lӓrne aktivlaştıru turındağı sorawğa bolay dip cawap birde:” S-400 lӓrgӓ kilgӓndӓ barısı da planlaştırılğança bara. Kovid -19 arqasında kiçegülӓr buldı , lӓkin bez êlekkege kebek  S-400 turındağı kileşügӓ bӓyle” ,-dide.