Törkiyäneñ turizm plannarı

May axırında – êçke, iyün’ axırında tışqı turizm başlanaçaq

1414480
Törkiyäneñ turizm plannarı

Törkiyä mädäniyät häm turizm ministrı Mäxmät Nuri Ärsoy ilneñ turizm plannarın häm tarmaqnıñ nindi yuldan kitäçägen belderde.

Anıñ äytüençä, may axırında – êçke, iyün’ axırında tışqı turizm başlanaçaq.

Plannarğa qarağanda, aêroportlar häm çik buyı qapqalarında barlıq turistlarğa - cirle häm çit ilnekelärgä 2-3 minut êçendä test yasalaçaq.

Qunaqxanälär häm restorannarda öställär arasında ber yarım metr ara qaldırılaçaq, urındıqlar arası isä 60 santimetr bulaçaq. “Barısı da kergän” sisteması däwam itäçäk. Açıq bufetlar beterelmäyäçäk, barı täq’dim itü ısulı üzgäräçäk.  

Turizmğa yärdämgä tışqı êşlär ministrlığı da quşıla. Alar çit il wazıyfadaşlarına xatlar cibäräçäk. İke ministr da berençe êtapta 70 wazıyfadaşı belän telefonda söyläşergä isäpli. Maqsatları turizmda kertelgän çaralar häm Törkiyäneñ sälamätlek saqlaw sistemasın añlatu.



Bäyläneşle xäbärlär