İlbaşı: "Yaña awıru oçrağı häm ülüçelär sanı azaya bara"

İlbaşı Räcäp Tayyip Ärdoğan yaña tör koronavirus (Kovid-19) kizüe belän köräştä kürelgän çaralarnıñ uñışlı buluın belderep: "Yaña awıru oçrağı, ülüçelär, intensiv terapiyada buluçılar häm sulış cihazına bäyle xastalar sanı azaya bara”, - dip äytte

1415316
İlbaşı: "Yaña awıru oçrağı häm ülüçelär sanı azaya bara"

İlbaşı Ärdoğan videokonferenśiya ısulı belän oyıştırılğan kabinet cıyılışınnan soñ açıqlawlar yasadı.

Ärdoğan Törkiyäneñ kizü krizisın idarä itüdäge uñışınıñ ğalimnär belän bergä härkemneñ iğ’tibarın cälep itüenä basım yasadı.

"Olı yäş’tägelärebezne saqlıybız. Däwlätkä bäyle qartlar yortında ğomer itüçe 27 meñnän kübräk olı yäş’tägelärebezgä härtörle qayğırtuçanlıq kürsätäbez,”- dip äytüçe Ärdoğan kizügä qarşı individual’ saqlanu ısulların ütäw öçen tağın ber qat çaqıru yasadı.

Tulısınça êlekke könnärgä qaytılmawına, barı tik kizü şartlarında tormışnıñ beraz tağın da ciñeläytelergä tırışıluına basım yasawçı İlbaşı: "Tormışıbıznı ozaq waqıt buyı kizü yanawına qarşı bezne saqlayaçaq çaralarğa kürä däwam itärgä mäcbürbez”, - dip äytte.

 

İlbaşı, kizü barışında törle tarmaqlarğa täêmin itelgän matdi yärdämgä qağılışlı mäğ’lümat belän dä urtaqlaşıp, monnan soñ oyışaçaq yaña global’ sistemada Törkiyäneñ layıq bulğan urının hiçşiksez alaçağın äytte.

İstanbulda (Sancaktäpädä) Kovid-19 kizüe belän köräş öçen salınğan xastaxanänen açılışınıñ 21nçe mayda Yaponiya Baş ministrı Şinzo Abeneñ qatnaşuında yasalaçağın belderüçe İlbaşı Ärdoğan: “Qağidälärne ütäp, kürsätkän sabırlıqları häm fidaqärlekläre öçen watandaşlarıbıznıñ härbersenä räxmätläremne citkeräbez”, - dip äytte.



Bäyläneşle xäbärlär