Törkiyädä 356 säwdä üzäge açıla

İrtägedän alar êşli başlıy

1414395
Törkiyädä 356 säwdä üzäge açıla

Törkiyädä koronavirus kizüe arqasında waqıtlıça yabılğan 356 säwdä üzäge qabat işeklären aça.

İldä täwge Kovid-19 yoqtıru oçraqları kürenä başlawğa alarnıñ başta êşläw säğat’läre üzgärtelde, soñınnan fänni komitet kiñäşe buyınça, êtaplap yabıldı. Barı älege üzäklär êçendäge azıq-tölek kibete, daruxanä häm gigiyena êşlänmäläre satu urınnarı ğına açıq qaldı.

İrtägedän isä säwdä üzäkläre qabat kliyentlarına xezmät kürsätä başlıy. Barı restoran, kafe, sport häm küñel açu urınnarı êşlämäyäçäk.

Şirkätlär, üz teläklärenä qarap, 11nçe maydan sığılmalı grafik belän işeklären aça. 1nçe iyün’nän isä ğadäti êş sistemasına küçeläçäk.  

Şul uq waqıtta, koronavirus kizüe belän köräş qısalarında alınğan çaralar nigezendä uramğa çığuları çiklängän 65 yäş’tän ölkän watandaşlar 50 könnän soñ bügen berençe tapqır uramğa çıqtı.



Bäyläneşle xäbärlär