Pompeo häm Kongress äğ’zalärennän Törkiyägä räxmät süzläre

Amerika Quşma Ştatları däwlät särkätibe Mayk Pompeo yaña tör koronavirus (Kovid-19) kizüennän iñ küp täêsirläñgän illärdän berse bulğan Amerika Quşma Ştatlarına cibärgän mediśina yärdäme öçen Törkiyägä räxmätlären citkerde

1409602
Pompeo häm Kongress äğ’zalärennän Törkiyägä räxmät süzläre

Pompeo “Twitter”dan yasağan belderüendä: "NATO berlektäşebez Törkiyägä räxmätlebez. Törkiyäneñ yärdämnäre dönyanıñ dürt ber yağında “Kovid-19” belän köräştä yaxşı êşlär başqarğan amerikan şirkätlärenä bulışlıq itä. Bu wazğiyätne bergä uzdıraçaqbız häm hiç bulmağanı qadär köçle çığaçaqbız”, - dip äytte.

Şul uq waqıtta Wäkillär Palatasınıñ qayber wäkilläre dä mäs’älä belän bäyle bularaq “Twitter”dan belderü yasap Törkiyägä räxmät süzlären citkerde.

Törkiyäneñ Amerika Quşma Ştatlarınıñ kizü belän köräş alıp bara aluı öçen cibärgän mediśina äyberlären häm kiräkle cihazlarnı yaxşı niyät häm teläktäşlek çağıldıruçı jest bularaq tanuçı “Cömhüriyätçe” wäkil Aleks Mooney: "NATO berlektäşebez Törkiyägä şuşı kritik çaqlarda kürsätkän berlektäşlege öçen räxmät äytäm”, - dip belderde.

Ayıruça Wäkillär palatasınıñ Törek duslıq törkeme äğ’zase bulğan Steve Çabot da oxşaş belderü yasap: "Törkiyäneñ “Kovid-19” belän köräştä alğı saflarıbızda wazıyfa başqaruçı sälamätlek saqlaw xezmätkärlärebezneñ saqlanuı öçen bu atnada ike tapqır kürsätelgän yärdämnär öçen räxmät. Yumartlığın öçen räxmät, Törkiyä”, - dip äytte.

“Demokrat” wäkil Alcee Hasting isä, Törkiyägä räxmätlären belderep, kürsätelgän yärdämnärne täq’dir belän qarşılawlarına basım yasadı.

Kön’yaq Karolina wäkile Joe Wilson da yazma belderüendä: "AQŞ-Törkiyä mönäsäbätläre belän şöğillänüçe Törek duslıq törkeme başlığı wäkile bularaq NATO berlektäşebez Törkiyäneñ yumartlığına räxmätlemen”, - dip äytte.



Bäyläneşle xäbärlär