Törkiyäneñ yärdäm qulı AQŞqa barıp citte

Anıñ êçendä tabiblarnıñ bügen iñ zur ixtiyac toyğan äyberläre

1407419
Törkiyäneñ yärdäm qulı AQŞqa barıp citte

Koronavirustan iñ küp zararnı kürgän AQŞqa Törkiyädän cibärelgän yärdämnärne taşuçı yök oçqıçı başqala Vaşingtondağı xärbi aêroportqa töşep utırdı. Ul kiçä irtänge säğat’lärdä yuğla çıqqan ide. Yärdämnär êçendä xirurg bitlege, yözne saqlawçı kozıryek, N95 bitlege häm kombinezon şikelle mediśina kiräk-yaraqları bar.

Törkiyä qorallı köçläreneñ A 400M törendäge yök oçqıçı monnan alda İtaliya, İspaniya, Makedoniya, Qarataw, Serbiya, Bosniya-Gerśegovina, Kosova, Angliya häm Somaliğa yärdäm iltte.

Törkiyäneñ kizü belän köräş öçen barlıq mömkinlekläre belän yärdäm qulı suzğan illärneñ sanı 56 buldı.

Tışqı êşlär ministrı Mäwlet Çavuşoğlu sośial’ media Twitter aşa yasağan belderüendä Törkiyäneñ dön’yada iñ küp gumanitar yärdäm yasağan il buluı tışında koronavirus kizüe belän köräştä iñ küp mediśina yärdäme kürsätkän öçençe däwlät buluın citkerde.

AQŞ däwlät särqatibe Mayk Pompeo da sośial’ media Twitterdan yasağan belderüendä Törkiyägä Kovid-19 belän köräş öçen mediśina yärdäme cibärüenä räxmät äytte. “AQŞ xalqı duslığığız, xezmättäşlegegez häm yärdämegez öçen bik räxmätle,”-dip yazdı ul.



Bäyläneşle xäbärlär