Törkiyädä nilär bulaçaq?
İlbaşı Ärdoğan ähämiyätle belderülär yasadı
Törkiyä ilbaşı Räcäp Tayyip Ärdoğan koronavirus kizüen kontrol’ astına aluda ähämiyätle alğarışlar buluın citkerde. Ul xökümätneñ kabinet cıyılışınnan soñ qayber belderülär yasadı. “Törkiyä kürelgän çaralar belän kizüne iñ tiz räweştä kontrol’ astına alğan däwlätlärneñ başında urın ala,”-dide ilbaşı.
Ärdoğan monnan alda tözelüe äytelgän 2 xastaxanä tışında İstanbulnıñ Hadımköy rayonında - 100, Derincedä 250 urınlı tağın 2 xastaxanä qorıluın, alarnıñ aldağı atnalarda xezmät kürsätä başlayaçağın äytte.
“İlebez bu prośessta uñay yaqqa ayırılıp tora. Bez xastalıqnı açıqlawdan däwalawğa qadär yaxşı xäldä. Bernindi citeşmäwçänlegebez yuq,”-dide ilbaşı.
Ärdoğan kizü belän köräş qısalarında atna axırlarında uramğa çığunı tıyunı kiläse çorda da däwam itärgä qarar qıluların belderde. “Bu könnär ütkännän soñ tormışıbıznı tağın da näticäle, tağın da matur ütkäräçäkbez,”-dide ul.
İlbaşı kizü belän köräş qısasında Törkiyäneñ 34 däwlätkä yärdäm cibärüen, bu êşneñ aldağı könnärdä dä däwam itäçägen citkerde.
Bäyläneşle xäbärlär
Fidan - Abdullahiyan söyläşüe
Törkiyä tışqı êşlär ministrı İran wazıyfadaşı belän telefon aşa êlemtägä kerde