Törkiyӓ hӓm Rusiya rӓsmi zatları İdlib xaqında söylӓşte

Rusiya Federaśiyӓse tışqı êşlӓr ministrlığı beldergӓnçӓ, Törkiyӓ tışqı êşlӓr ministrı urınbasarı Sedat Önal belӓn rusiyӓle wazıyfadaşı Sergey Verşinin telefonnan söylӓşte.

Bu xaqtağı belderüdӓn kürengӓnçӓ, alar İdlibtӓ totrıqlılıq urnaştıru, Törkiyӓ belӓn Rusiya arasında tözelgӓn kileşülӓrne ütӓw hӓm Süriyӓ mӓs’ӓlӓsenӓ çişeleş tabu xaqında süz alıp bardı.

Söylӓşüdӓ şulay uq Berlӓşkӓn Milltlӓr Oyışması aradaşçılığı belӓn alıp barılğan sӓyӓsi barış ta quzğatıldı.

Törkiyӓ ilbaşı Racӓp Tayyip Ӓrdoğan belӓn Rusiya Federaśiyӓśe dӓwlӓt başlığı Vladimir Putin 5 nçe martta Mӓskӓwdӓ oçraşıp İdlibtӓ utnı tuqtatu kileşüe tӓêmin itkӓn ide.