İlbaşı Ärdoğan millätkä möräcäğät itte

İlbaşı Räcäp Tayyip Ärdoğan yaña tör koronavirusqa (Kovid-19) qarşı köräş qısalarında kürelgän çaralar belän bäyle bularaq: "Awırunıñ taralu tizlegen 2-3 atnada tuqtatıp, barıştan mömkin bula alğan xätle iñ qısqa waqıtta häm bula alaçaq iñ äz zıyan belän

1385481
İlbaşı Ärdoğan millätkä möräcäğät itte

İlbaşı Ärdoğan yaña tör koronavirus belän köräş qısalarında kürelgän çaralarğa häm kilep citelgän êtaplarğa qağılışlı bularaq Millätkä möräcäğätendä: "Törkiyä – xastalıq täwge tapqır çıqqan könnän birle täräqqiyätlärne yaqınnan küzätep barğan, çaralarnı waqıtında kürgän siräk illärdän berse”, - dip äytte.

Törkiyädäge sälamätlek saqlaw xezmätläreneñ mömkinlekläre häm sıyfatı mäs’äläsendä berkemneñ dä şöbxäse bulmawın teläwçe Ärdoğan härtörle śenariygä qarşı äzerlekneñ yasaluına basım yasap: "Yaxşı izolaśiya belän xastalıqnıñ taralu tizlegen 2-3 atna êçendä tuqtatıp, bu barıştan mömkin xätle iñ qısqa waqıtta häm bula alaçaq iñ äz zıyan belän motlaq räweştä çığaçaqbız. Tiskäre oçraqta tirä-yağıbızda şaqtıy ürnägen kürgän räweştä tağın da awır näticälär belän häm moña bäyle bularaq tağın da awır çaralar belän oçraşuıbız qotılğısızdır”, - dip äytte.

Ärdoğan “Twitter”dan isä millätkä möräcäğät videoyazmasın da urtaqlaşıp: "Hiçber doşman millätebezneñ berlegennän, berdämlegennän, köçennän, ziräklegennän tağın da östen tügel. İnşallah, şuşı koronavirus yanawın da berlek häm berdämlek êçendä ciñäçäkbez”, - dip belderde.



Bäyläneşle xäbärlär