Koronavirus niçek betӓçӓk?

Dönyada meňnӓrçӓ keşeneň ülemenӓ sӓbӓp bulğan koronavirusnıň 3 yul belӓn betӓ aluı açıqlandı.

Başqala Ӓnkaradağı Hasӓttӓpӓ universitetı mediśina fakul’tetınıň balalarda yoğışlı awırular bülege başlığı professor doktor Mӓxmӓt Cӓyhan Kovid -19 nıň inkubaśiya çorında bernindi simptomnar kürelmӓgӓndӓ ber keşedӓn ikençesenӓ yoğa aluın citkerde.

Cӓyhan: “Koronavirusnıň inkubaśiya çorı 2 kön belӓn 14 kön arasında. Bu virus tamçılar yulı belӓn yoğa. SARS hӓm MERS tӓ çir simptomnar barlıqqa kilgӓnnӓn soň yoğa ide, Kovid – 19 da isӓ inkubaśiya dӓwerendӓ yoğa. Şuňa kürӓ saqlıq çaraları kürergӓ, sośial’ izolyaśiyӓgӓ iğ’tibarlı bulırğa hӓm gigiyena qadıydӓlӓren cirenӓ citkerep ütӓrgӓ kirӓk”,-dide.

Kovid -19 nıň SARS hӓm MERSkӓ qarağanda tağın da kübrӓk yoğuına basım yasağan   Cӓyhan pandemiyӓneň 3 ısul belӓn betӓ aluın belderde.

Professor doktor Mӓxmӓt Cӓyhan:” Berençese – keşelӓrneň küpçelek öleşendӓ koronavirusqa qarşı  immunitet barlıqqa kilӓçӓk  hӓm virus taralmayaçaq, ikençese – vakśina tabılaçaq ,öçençese – virus mutaśiya kiçerep keşedӓn keşegӓ taralu sӓlӓten yuğaltaçaq”,-dide.