İlbaşı Ärdoğannıň 8nçe Mart Xalıqara xatın-qızlar köne yullaması

Yullamasında xatın-qızlarnıň kürsätkän fidaqärlek belän cämğiyätneň kiläçägen şäkelländerüenä, formalaştıruına iğ’tibarnı yünältüçe İlbaşı Ärdoğan: "Fdaqärlekläre, xezmätläre, söyüläre häm köräşüläre belän kiläçägebezneň formalaşuında möhim rol’gä iyä bulğan, keşelekneň berençe uqıtuçısı xatın-qızlarıbıznıň xalıqara xatın-qızlar könen täbrik itäm”, - dip äytte.

İlbaşı Ärdoğan, xatın-qıznıň ğailäneň häm cämğiyätneň töp teräge buluına basım yasap: "Mäğariftän êş tormışına häm säyäsätkä qadär här ölkädä xatın-qızlarıbıznıň üz ähämiyätlären kürsätüe, problemaların telgä ala aluı, çişeleş täq’dimnäre belän yul kürsätüe häm äydäp baru rolen üz östenä aluı – bik zur ähämiyätkä iyä. Bu barışta belemle, üzışanıçı yuğarı häm qıyu xatın-qızlarıbız – iň zur ışanıçıbız”, - dip belderde.

Ärdoğan ayırımlılıqnı totqarlawnıň cämğiyätneň här qatlamınıň wazıyfası buluın assızıqladı.

Yullamasında qırıslıqnıň qorbanı bularaq ğomerläre özelgän xatın-qızlarğa Allahıdan yarlıqaw teläwçe İlbaşı Ärdoğan şähit tuğannarı xatın-qızlarğa da sabırlıq teläklären citkerde.