Törkiyä Greśiyaneň ülemçel köç qullanuınnan borçıla

Törkiyä Greśiya köçläreneň qaçaqlarğa qarşı ülemçel köç qullanuınnan borçılu belderä

1373896
Törkiyä Greśiyaneň ülemçel köç qullanuınnan borçıla

İlbaşı idaräseneň êlemtä başlığı Fahrettin Altun Amerikan CNN International kanalında Greśiya Baş ministrı Kiryakos Miçotakisnıň raslawlarına cawap birde.

Miçotakisnıň gäyepläwlären kisken räweştä kire qağuların belderüçe Altun: "Grek tärtip saqlaw häm çik buyı iminlege köçläreneň qaçaqlarğa naçar möğamälä kürsätep, alarğa ülemçel köç qullanuınnan tirän borçılu xis itäbez. Dön’yanıň iň küp qaçaqqa işeklären açqan il bulğan Törkiyä Süriyädän häm başqa urınnardan kilgän cayğa salınmağan migraśiya dulqınnarına qarşı divar wazıyfasın başqara”, - dip äytte.

Awrupa Berlegeneň 2016nçı yılğı qaçaqlar kileşüenä kürsätkän matdi yärdäm häm üzixtıyarıy qabul itü kebek süzlären ütämäwenä basım yasawçı Altun: “Monıň näticäsendä Törkiyä çığanaqların Awrupağa kitkän qaçaqlarnı tuqtatu urınına Süriyäneň İdlib töbägennän kilä alaçaq buluı mömkin dulqınnı qarşı aluğa yünältte. Greśiyağa häm xalıqara cämäğätçelekkä kiňäşebez: beräwlärne gäyepläw urınına cayğa salınmağan küçenü-migraśiyanıň nigezendä yatqan Süriyä watandaşlar suğışın tuqtatu”, - dip belderde.



Bäyläneşle xäbärlär