Ärdoğan oçqıçta bäyäläwlär yasadı

Ärdoğan Rusiyädän qaytqan çaqta oçqıçta jurnalistlarğa bäyäläwlär yasadı, sorawlarına cawap birde.

İlbaşı Ärdoğan İdlibtä täêmin itelgän utnı tuqtatu belän bäyle bularaq: "Rejimnıň buluı mömkin bozularğa häm höcümnärgä qarşı här mizgeldä äzer wazğiyättä bulaçaqbız. Ber urında çatnaw bulsa şunda uq çarasın küräçäkbez”, - dip äytte.

Maqsatlarınıň Süriyädä Berläşkän Millätlär Oyışması İminlek şurasınıň 2254 nomerlı qararındağı säyäsi barışnı êşlätü häm Süriyä watandaşlar suğışın beterü buluın belderüçe Ärdoğan Mäskäwgä kitkän çaqta da maqsatlarınıň utnı tuqtatunı täêmin itü buluın häm monı başqara aluların äytte.

Ärdoğan Törkiyäneň İdlibtäge küzätü urınnarı belän bäyle bularaq ta nindi dä bulsa ber üzgäreş turında süzneň barmawın belderde.

İdlibneň Rusiyä belän Törkiyä arasındağı waqiğa (waqıyğa) bulmawına basım yasawçı İlbaşı: "Bezneň biredä qarşıbızda Rusiyä yuq, biredä bezneň qarşıbızda Süriyä rejimı bar”, - dip assızıqladı.

İlbaşı Ärdoğan Törkiyädän Awrupağa kitärgä tırışqan qaçaqlar mäs’äläsendä isä: "Greśiya belän bu barışta bäxäsläşeläçäk waqıtıbız yuq, ul êş bette. Qaçaqlar bara alğan xätle kitäçäk, mäcbüri räweştä ilebezdän dä çığartmıybız”, - dip äytte.

Könbatışnıň qaçaqlar mäs’äläsendä ike yözle buluına basım yasawçı Ärdoğan: "Greśiyağa şunda uq 700 million yevro süz birdelär. Qayda anda 700 million yevro, Germaniya kanślerı Angela Merkel bezgä 25 million yevro turında äytte, ämma annan da, qızğanıç, älegä ber tawış çıqmadı”, - dip belderde.

İlbaşı Ärdoğan Törkiyäneň Rusiyädän satıp alğan S 400 hawa saqlanu sistemalarınıň isä böteneseneň dä alınuın häm aprel’dän başlap êşli başlayaçağın belderde.

Ärdoğan, Rusiyä İlbaşı Vladimir Putin belän kiçä Liviya mäs’äläsen dä quzğatuların assızıqlap, biredäge barışnıň da İdlib mäs’äläsendä yasalğan adımğa oxşaş räweştä näticägä ireşelüen kötülären äytte.