Törkiyädän Ğıyraqqa häm İtaliyağa säyäxät kisätüe

Törkiyä watandaşlarına Ğiraqnıň (Ğıyraqnıň) häm İtaliyanıň korona virus kürengän töbäklärenä mäcbür bulmıyça säyäxät itmäskä kiňäş itte

1367062
Törkiyädän Ğıyraqqa häm İtaliyağa säyäxät kisätüe

Tışqı êşlär ministrlığınnan yasalğan belderüdä İtaliyada yaňa tör korona virus (Kovid-19) oçraqlarında häm şuşı virus çığanaqlı ülemnärdä soňğı könnärdä artış yäşänüe citkerelde.

Belderüdä: "Törek watandaşlarınıň mäcbür bulmıyça İtaliyanıň korona virus oçraqları kürengän töbäklärenä säyäxät itmäwläre kiňäş itelä”, - dip äytelde.

Şul uq waqıtta Ministrlıq Ğiraq (Ğıyraq) belän qağılışlı bularaq bastırğan säyäxät kisätüendä dä Kovid-19 oçraqlarınıň bu ildä dä artu awışlığında buluın belderde.

Belderüdä: "Watandaşlarıbıznıň mäcbür bulmağan oçraqta Ğiraqnıň korona virus oçraqları kürengän töbäklärenä säyäxät itmäwläre, Ğiraqqa säfär yasağan çaqta virus küp itep kürengän töbäklärdän çittä buluı kiňäş itelä”, - dip äytelde.

Bu 2 ildä yäşäwçe yäki şuşı illärgä säyäxät itärgä mäcbür bulğan watandaşlarğa isä aşığıç xällärdä Törkiyä ilçeleklärenä häm konsullıqlarına ireşä alaçaqları xäterlätelep, cirle organnar belän Bötendönya sälamätlek saqlaw oyışmasınıň belderülären häm kisätülären yaqınnan küzätep toruları kiňäş itelde.



Bäyläneşle xäbärlär