Cimereklär astında keşe tabılmadı
Cir teträwdän zıyan kürgän Vanda êzläw êşläre tögällände
1364725
İrannıñ könbatışında bulğan cir teträwneñ yoğıntısında qalğan Törkiyäneñ Van töbägendä 9 keşeneñ ğomere özelde, alarnıñ 4se bala. Sälamätlek saqlaw ministrı Fäxretdin Koca beldergänçä, 50 keşe yaralanğan. Alarnıñ 2se reanimaśiyädä häm ğomerläre qurqınıç astına.
Van vilayäte başlığı Mäxmät Ämin Bilmäz äytüençä, cimereklär astında başqa keşe tabılmağan, êzläw êşläre tögällängän.
İranda isä cir teträw 43 awılda xis itelgän. Anda 75 keşeneñ yaralanuın belderälär. Älegä qadär ülem-kitem xäbäre yuq, cirlektä êzläw-qotqaru törkemnäre êşli.
Bäyläneşle xäbärlär
Törkiyä köymäse Somalida
Somali häm Törkiyä arasında saqlanu häm iqtisad ölkälärendä kileşü imzalanğan ide