"5nçe martta qabat bergä cıyılaçaqbız"

Törkiyä ilbaşı Räcäp Tayyip Ärdoğan dürtyaqlı İdlib sammitınıñ 5nçe martta İstanbulda uzaçağın äytte. Ul kiçä İzmirneñ Bergama cirlegendä xalıq qarşında çığış yasap, ildä häm çik ar’yağındağı operaśyälär yärdämendä separatist terrorçı oyışma PKKğa tarixındağı iñ awır höcümnär yasaluın söyläde. Ärdoğan äytkänçä, Süriyä êçendä 8 meñ 300 çaqrımlıq mäydan DEAŞlı, PKK/YPGlı terrıorçılardan çistartıldı.

“Berwaqıt PKKlı banditlar qırıp-tükkän töbäklärdä xäzer tınıçlıq, xozur, totrıqlılıq bar. İnşallah, şundıy uq tınıç cirlekne 4 million keşe yäşäwçe İdlibtä dä töziyäçäkbez,”-di Törkiyä ilbaşı. Ul İdlib mäs’äläseneñ kimendä Arfin - “Solıx çişmäse” xäräkäte töbäge qadär ähämiyätle buluın äytä.

Ärdoğan comğa könne telefon aşa Rusiyä däwlät başlığı Vladimir Putin, Germaniyä kanślerı Angela Merkel’ häm Franśiyä ilbaşı Êmmanuêl’ Makronğa İdlibneñ Törkiyä öçen möhim buluın citkergän. “5nçe martta qabat bergä cıyılaçaqbız, bu temalarnı söyläşäçäkbez. İnşallah, bu mäs’älädä dä ilebez häm süriyäle qardäşlärebezneñ mänfäğat’lärenä iñ uñay näticägä ireşerbez,”-dide Ärdoğan.