Törkiyäneñ iñ zur kitapxanäse açıla

Ul ilbaşı rezidenśiyäsendä urnaşqan.

1361875
Törkiyäneñ iñ zur kitapxanäse açıla

Bu pänceşämbe Törkiyäneñ iñ zur kitapxanäse açıla. Ul ilbaşı rezidenśiyäsendä urnaşqan Millät kitapxanäse.

Binada Sälçükle, Ğosmanlı häm zamança arxitektura çağılışların kürergä mömkin. Tözeleş 2016nçı yılda başlanğan ide. Ul 125 meñ kvadrat metr mäydannı alıp tora. Ber ük waqıtta 5 meñ keşegä xezmät kürsätäçäk kitapxanä här atna 7 kön häm 24 säğat’ açıq bulaçaq. Anda 4 million basma, 120 millionnan artıq êlektron näşer, 550 meñ ê-kitap häm siräk äsärlär belän tanışırğa mömkin.  

100 ildän 134 teldä basılğan kitaplar belän 120 million mäqalä häm xisap ozınlığı 201 çaqrımğa citkän kiştälärdä urın ala.

Kitapxanädä şäxsi kollekśiyälär, siräk äsärlär, qul’yazmalar, färmannar, kartalar, fotoräsemnär,  markalar häm gravyuralar da kürergä mömkin.

İñ cälep itüçe büleklärneñ berse - audio häm video kitapxanäse. Ul 10 meñ materialdan toruçı kollekśiyägä iyä. Uquçılar monda fil’m, muzıka häm dokumental’ arxivlarğa bik ciñel ireşä alaçaq.

Kitapxanäne ğomer buyı öyränü üzäge itü maqsatı da quyıla. Monda balalar, yäşüsmerlär häm ölkännär öçen yasalma zihen, kiber iminlek, kodlaştıru şikelle kurslar oyıştırılaçaq.    

Kitapxanä ilbaşı Räcäp Tayyip Ärdoğan qatnaşındağı tantana belän açılaçaq.



Bäyläneşle xäbärlär