Törkiyä säwdä ministrı Xorvatiyada oçraşular ütkärde

Törkiyä säwdä ministrı Ruhsar Päkcan belän Xorvatiya Tışqı êşlär häm Awrupa Berlege êşläre ministrı Gordan Grliç Radman arasında sişämbe könne ike yaqlı söyläşü ütkärelde

Törkiyä säwdä ministrı Xorvatiyada oçraşular ütkärde

Ministr Päkcan törle oçraşular ütkärü öçen kitkän Xorvatiya başqalası Zagrebta Xorvatiya iq’tisad, käsepçelek häm qul sänğätläre ministrı Darko Horvat belän uzdırğan oçraşudan soň Radman belän dä küreşep söyläşte.

Säwdä ministrlığınnan alınğan mäğ’lümatlärgä kürä, Xorvatiya tışqı êşlär ministrlığında ütkärelgän söyläşü waqıtında Xorvatiyanıň bıyıl  yıl başında üz östenä alğan häm iyün’ ayı axırına qadär alıp baraçaq Awrupa Berlegeneň çirattağı başlığı säbäbe belän Tamğaxanä Berlege kileşüeneň yaňartıluı mäs’äläse quzğatıldı.

Söyläşüdä ike il arasındağı säwdä êlemtäläreneň häm investiśiyäläreneň arttırıluı häm podryadçılıq mäs’äläse bäyälängän bulsa, Awrupa Berlege tarafınnan Törkiyädän importlanğan timer qorıç êşlänmälärenä qağılışlı çaralarnıň ğamäldän çığarıluı turında da täq’dimnär citkerelde.

Päkcan Säwdä ministrlığınıň koordinaśiyasında, Tışqı iq’tisadi êlemtälär şurası (DEİK) belän Xorvatiya iq’tisad palatasınıň oyıştıruçanlığında ike il şirkätläreneň qatnaşuında oyıştırılğan Törkiyä-Xorvatiya tügäräk östäl cıyılışında da qatnaştı.



Bäyläneşle xäbärlär