“Rejim öçen, älbättä, monıñ qaytawazı bulaçaq"

Ärdoğan Süriyä rejimınıñ Törkiyä armiyäsenä höcüme öçen cawap biräçägen belderde

1353259
“Rejim öçen, älbättä, monıñ qaytawazı bulaçaq"

Süriyäneñ İdlib töbägendä Törkiyä qorallı köçlärenä höcüm itüe öçen Bäşşar Äsäd rejimı cawap biräçäk. Törkiyä ilbaşı Räcäp Tayyip Ärdoğan şulay dip belderde. Ul Ukrainadan qaytışlıy oçqıçta media äğ’zalarınıñ sorawlarına cawap birde.

Ärdoğan höcümneñ İdlib kileşüen bozunıñ açıqtan-açıq kürsätkeçe buluın äytte häm: “Rejim öçen, älbättä, monıñ qaytawazı bulaçaq,”-dide. Ul cawapnıñ bik tiz birelüen, näticädä 76 rejim äğ’zasınıñ täêsirsez xälgä kiterelüen citkerde.

Ärdoğan Äsäd rejimına qarşı operaśiyälärneñ däwam itäçägen belderde.

Törkiyä ilbaşı regiondağı Rusiyä ğamällärenä dä tuqtaldı. “Rusiyä belän bu êtapta bäreleş yäisä citdi bäxäskä kerüebez kiräk tügel. Alar belän bik ähämiyätle strategik êşçänleklärebez bar,”-dide ul.



Bäyläneşle xäbärlär