“Qudüsne İzrailgä birü planın qabul itü mömkin tügel”

Törkiyä ilbaşı Räcäp Tayyip Ärdoğan Senegal säfärennän Törkiyägä qaytışlıy oçqıçta kön tärtibendäge mäs’älälär belän bäyle belderülär yasadı.

 Ul Amerika Quşma Ştatları ilbaşı Donal’d Tramnıñ güyä Yaqın Könçığş tınıçlıq planınıñ tınıçlıq urnaşturuğa häm mäs’äläne çişügä yaramayaçağın belderde.

 Ärdoğan:”Qudüs – möselmannarnıñ izge urını. Qudüsne İzrailgä birü planın qabul itü mömkin tügel”,- dide.

Törkiyä ilbaşı Süriyäneñ İdlib qalasındağı soñğı wäzğiyät’kä dä bäyä birep bolay dide:”Rusiya belän Soçida, Astanada söyläşülär ütkärdek. Rusiya biredäge kileşülärgä tuğrı bulıp qalğanda bez dä şundıy uq tuğrılıq belän yulıbıznı däwam ittererbez. Qığzğanıç xäzerge waqıtta Rusiya monı ütämi. Rusiya yä Süriyä belän başqa törle yul saylayaçaq, yäisä Törkiyä belän barışnı başqa törle alıp baraçaq”,-dide.

Koronavirus kizüenä dä tuqtaluçı ilbaşı xäzerge waqıtta Törkiyädä monıñ belän bäyle qurqınıç bulmawın,bu yünäleştä tiyeşle çaralar kürelüen dä assızıqladı.