"Fälästin xalqı häm cirlären aqça belän satıp alu mömkin tügel”

 Törkiyä Amerika Quşma Ştatlarınıñ Fälästin –İzrail mäs’äläsenä “çişeleş tabu” maqsatı belän äzerlägän güyä tınııçlıq planınıñ üle kileş tuuın belderde.

Tışqı êşlär ministrlığınıñ bu xaqtağı belderüendä tübändäge yullar urın aldı: “Bu plan ike däwlätle çişeleşne yuqqa çığaru häm Fälästin cirlären urlaw,talawnı maqsat itep quyğan  anneksiyäläw planı. Fälästin xalqı häm cirlären aqça belän satıp alu mömkin tügel. İzrailneñ basıp alu häm zolımnı legal’läşterü adımnarı yasawına mömkinlek birmäyäçäkbez. Tuğandaş Fälästin xalqınıñ daimi räweştä yanında bulaçaqbız. Fälästin cirlärendä bäysez Fälästin buldıru öçen êşçänleklärne däwam itteräçäkbez. Fälästin qabul itmäyäçäk bernindi plannı da xuplamayaçaqbız. Basıp alu säyäsätläre tuqtamıyça torıp Yaqın Könçığışta tınıçlıq urnaşa almıy”.

Amerika Quşma Ştatları ilbaşı Donal’d Tramp kiçä güyä Yaqın Könçığış tınıçlıq planın açıqlağanda Qudüsneñ İzrail’neñ bülenmi torğan başqalası bularaq qabul iteläçägen häm bu plannıñ fälästinlelär öçen soñğı şans buluın beldergän ide.